Read more
*भिरभिरते गोफण*
आला सुगीचा हंगाम
चहुमेर हिरवळ
पाने फुले बहरली
सुगंधीत दरवळ......
माळरानी शेत माझं
ज्वारी मका बाजरीचं
सारं शिवार सोन्याचं
धान मका कणसाचं......
बाजरीच्या कणसाला
जणु लगडली चांदी
पाखरांच्या झुंबडीने
झुलू लागे फांदी फांदी......
जोंधळ्याला लगडले
दाणे हिरवे पिवळे
राघु मैनेचे पुरवी
हुर्डा देऊनी डोहळे.......
कुणब्यानं शेतामंधी
ऊभारली माळमाची
हाती गोफणीचा मारा
पाखरांची झाली गोची.......
हर्या हुर्या करोनिया
भिरभिरते गोफण
सा-या जगाचा पोशिंदा
करी पिकांची राखण.
---- भास्कर देशमाने .
मो.नं.९६५७५५५१९०.
------------------------------------------------------------------------------------------------------------------------------------------------------
...सावधान...
सदर ब्लॉग वरील साहित्यात फेरफार करणे, कॉपी पेस्ट करून स्वतः च्या नावाने साहित्य पोस्ट करणे हा सायबर क्राईम कायद्याअंतर्गत गुन्हा आहे. ब्लॉगवरील साहित्याचा अनुवाद करणे, त्याचा व्यावसायिक वापर करणे ,नाट्यीकरण करणे अथवा कोणत्याही कारणास्तव आपणास हे साहित्य वापरावयाचे असल्यास लेखकाची रीतसर परवानगी घेणे गरजेचे आहे.
संचालक - कादवा शिवार
प्रतीक विजयकुमार मिठे
मो.9145099071
Kadva shivar
कादवा शिवार
1 coments
क्या बात है
ReplyDelete