भ्रष्टाचारी' कविता (कवी: सचिन खंडू बस्ते)

 भ्रष्टाचारी

संपत्तीच्या जोरावर 

भीती सर्व संपली

आता काय घेऊ 

पसंती तेवढी उरली

काम नको आता

आराम करू जरा

बुद्धी फिरली 

लालसा लागली

दिसू लागले दिवसा चांदणे

रंगू लागले दिवा स्वप्ने

विना कष्ट फुकट धष्ट

विकत घेऊ उडवून लाऊ

हक्क मारू कुण्या गरीबाचा

झाकली मूठ सव्वा लाखाची

तू चूप मी चूप भेट ती नोटांची

माणसाशी काय घेणं 

स्वार्थाचं ते पाहणं

घर भरतील लाचार होतील

शेपूट हालवत पळत सुटतील

मालक मीच चालक मीच

काठी माझी म्हैस माझीचं

कोण आपलं वाकड करणार

ओळख आपली साहेबाची

भीती कसली परिणामांची

सापडलो तर मिटवून घेऊ

यंत्रणा सारी  दुर्जनांची

आचार गेले विचार गेले 

भ्रष्टाचारी तेवढे उरले.....

सचिन खंडू बस्ते (उपशिक्षक)

माध्यमिक आश्रम शाळा इगतपुरी

तालुका इगतपुरी जिल्हा नाशिक