कवितेचे शीर्षक:— निसर्ग कविता अंजली माधव देशपांडे.नाशिक.

 कवितेचे शीर्षक:— निसर्ग.

सुंदर अशा वातावरणी,

बहरुन आले मन,

सप्त रंगांची उधळण होते,

डोले तन मन..॥धृ॥

खळखळ झरे वाहती,

पहाडांच्या कुशितूनी,

धरणीच्या अंगावर खेळे,

नदीनाले दुरूनी..॥१॥

विविध फुलांनी नटली,

सृष्टी बघा सुंदर,

वर्षा ऋतू बरसला,

ओले झाले अधर..॥२॥

पक्षी उडती गगनी,

रंगांचा थवा दिसे,

बागेत नाचे मोर,

पसरवूनी पिसे..॥३॥

पहाटेचे कोवळे ऊन,

सोनेरी पसरे गगनी,

निसर्गाची हि किमया,

देव दाखवी भुवनी..॥४॥

रोज वेगवेगळ्या छटा,

दिसे सृष्टीच्या सदा,

निसर्गाचे ऋतुचक्र फिरे,

दिन रात्र सदा..॥५॥

©® 

सौ.अंजली माधव देशपांडे.नाशिक.