Read more
रूप पाहून देखणं
जा रे, जा रे पाखरांनो!
नका पिकावर येऊ
जीवापाड जपतोय
नका येता जाता खाऊ/1
उंच वाढली शेलाटी
सळसळून हसते
तिच्या हसण्याची भूल
रानपाखरा पडते/2
जसं पेरलं चांदणं
निसावल्या कणसात
भर उफाडयाची नार
तशी आलीया भरात/3
शीळ वाजवी खुणेची
कोणी उभा बांधावर
सळसळ पानोपानी
तिचा हलतो पदर/4
तिला कवेत घ्यायला
वारा झेपावत आला
तिचा लव्हाळीचा देह
लाज लाजून झुकला/5
भिरभिरवी गोफण
रोज करितो राखण
नका ठेऊ असा डोळा
रूप पाहून देखणं/6
----विजयकुमार मिठे.
मो.9881670204
------------------------------------------------------------------------------------------------------------------------------------------------------
...सावधान...
सदर ब्लॉग वरील साहित्यात फेरफार करणे, कॉपी पेस्ट करून स्वतः च्या नावाने साहित्य पोस्ट करणे हा सायबर क्राईम कायद्याअंतर्गत गुन्हा आहे. ब्लॉगवरील साहित्याचा अनुवाद करणे, त्याचा व्यावसायिक वापर करणे ,नाट्यीकरण करणे अथवा कोणत्याही कारणास्तव आपणास हे साहित्य वापरावयाचे असल्यास लेखकाची रीतसर परवानगी घेणे गरजेचे आहे.
संचालक - कादवा शिवार
प्रतीक विजयकुमार मिठे
मो.9145099071
Kadva shivar
0 coments