Read more
सरीवर सरीच चांदण
*************************
आभाळ निळ
पाण्याच तळ
गार गार वारा
फुटल्यात धारा
सरीवर सरीच चांदण ग
सईच्या कपाळी गोंदण ग ।।
शहारली वेली
अंग अंग ओली
डोळेच मिटले
कोवळीच कळी
सरीवर सरीच रांगण ग
सईच्या कपाळी गोंदण ग ।।
पानाची सळसळ
खोप्यात वळवळ
फांदीचा झोका
पाखरू मोका
सरीवर सरीच रांधण ग
सईच्या कपाळी गोंदण ग ।।
नाचती मोर
पैंजणी जोर
पिसारा फुले
रानात झुले
सरीवर सरीच आंगण ग
सईच्या कपाळी गोंदण ग ।।
ओंजळीत मोती
तुझ्याच हाती
खट्याळ सरी
पदराआड परी
सरीवर सरीच लाजण ग
सईच्या कपाळी गोंदण ग ।।
लपल्या पोरी
पकडली चोरी
गालावर ओळी
ओघळली खळी
सरीवर सरीच कोंदण ग
सईच्या कपाळी गोंदण ग ।।
पाऊस वेडा
आंदण सडा
मिरगाची बाळे
पाण्यात खेळे
सरीवर सरीच नांदण ग
सईच्या कपाळी गोंदण ग ।।
पाखरांचा थवा
इंद्रधनुच नवा
नभाच्या मना
रंगपंचमी सणा
सरीवर सरीच रंगण ग
सईच्या कपाळी गोंदण ग ।।
जाईजुई जुळे
सुगंधी मळे
वारा सोहळे
अत्तरांचे बोळे
सरीवर सरीच नटण ग
सईच्या कपाळी गोंदण ग ।।
पारिजातक घरी
मांडव दारी
हळदीची मिठी
सईच्या ओठी
सरीवर सरीच नाचण ग
सईच्या कपाळी गोंदण ग ।।
मैंनेची बोली
मधाळ ओली
राघुच्या ओढी
कुहू कुहू गोडी
सरीवर सरीच सांगण ग
सईच्या कपाळी गोंदण ग ।।
प्रा.बाळासाहेब बाबुराव हिरे
येवला जि.नाशिक
मधुरध्वनी --
9421500793
------------------------------------------------------------------------------------------------------------------------------------------------------
...सावधान...
सदर ब्लॉग वरील साहित्यात फेरफार करणे, कॉपी पेस्ट करून स्वतः च्या नावाने साहित्य पोस्ट करणे हा सायबर क्राईम कायद्याअंतर्गत गुन्हा आहे. ब्लॉगवरील साहित्याचा अनुवाद करणे, त्याचा व्यावसायिक वापर करणे ,नाट्यीकरण करणे अथवा कोणत्याही कारणास्तव आपणास हे साहित्य वापरावयाचे असल्यास लेखकाची रीतसर परवानगी घेणे गरजेचे आहे.
संचालक - कादवा शिवार
प्रतीक विजयकुमार मिठे
मो.9145099071
Kadva shivar
कादवा शिवार
0 coments