Read more
कोरोन विषाणु
सुख दुःख वाटणारा
किती उदार माणूस,
विषाणूच्या भयाखाली
नाही आधार माणूस ||
चर्चा घरच्या रंगत
प्रेमबोल ओठावरी,
आता लांबूनच सर्व
पांघरुन मुखावरी ||
हाक आग्रहाची येई
मग होई मेजवानी,
का आला हा विषाणू
गेली बदलून वाणी ||
खेळ आकाशी पाहून
वाटे पाखरांचा हेवा ,
कधी जाईल संकट
करू आपलाही थवा ||
सारे थांबून राहिले
घरातच अटकाव ,
भारी सुदृढ दुश्मन
त्याचा रंगला हा डाव ||
कसे जावे गावाकडे
झाली बंद त्याची वेस ,
आता एकच प्रार्थना
निघो लवकर लस ||
शस्त्र शास्त्राने लढावे
नको विषाणूचे युद्ध ,
किती नुकसान झाले
केव्हा होईल समृद्ध ||
काही चमत्कार व्हावा
नष्ट व्हावी धगधग ,
मुक्त होईल जयाने
चार भिंतीतले जग ||
- सुनिल रमेश पेलमहाले
8975352421
------------------------------------------------------------------------------------------------------------------------------------------------------
...सावधान...
सदर ब्लॉग वरील साहित्यात फेरफार करणे, कॉपी पेस्ट करून स्वतः च्या नावाने साहित्य पोस्ट करणे हा सायबर क्राईम कायद्याअंतर्गत गुन्हा आहे. ब्लॉगवरील साहित्याचा अनुवाद करणे, त्याचा व्यावसायिक वापर करणे ,नाट्यीकरण करणे अथवा कोणत्याही कारणास्तव आपणास हे साहित्य वापरावयाचे असल्यास लेखकाची रीतसर परवानगी घेणे गरजेचे आहे.
संचालक - कादवा शिवार
प्रतीक विजयकुमार मिठे
मो.9145099071
Kadva shivar
कादवा शिवार
0 coments