Read more
सालचंदि
आलं शिवार फुलुन
पिक डोलत शेतात,
मोत्या सारख्या कणसा
धन लागली जोमात।।१।।
रान धनाच्या शिवारी
पक्षी घालीतो घिरटी,
माझी वर्षांची भाकरी
मी राखीन शेवटी।।२।।
गुरा ढोराना चारतो
माझ्या शेताच्या बांधाला,
नका खाऊ रे "राजा"नो
माझ्या सालाच्या चंदिला ।।३।।
हाती घेऊन गोफण
दुर धाडीतो दगड,
ओरडे माळ्यावरुनी
पिक आलंय रगड।।४।।
नका भरु रे चोचीत
माझ्या बाळाच्या भाकऱ्या,
जा रे पांखर थव्यानो
शोधा निसर्गी फुलोऱ्या।।५।।
तुमच्या पिला सारखी
माझी लेकरं उपाशी,
नाही उडता येत रे
बांधलो ना कुंपनाशी।।६।।
राजाराम भांड.
------------------------------------------------------------------------------------------------------------------------------------------------------
...सावधान...
सदर ब्लॉग वरील साहित्यात फेरफार करणे, कॉपी पेस्ट करून स्वतः च्या नावाने साहित्य पोस्ट करणे हा सायबर क्राईम कायद्याअंतर्गत गुन्हा आहे. ब्लॉगवरील साहित्याचा अनुवाद करणे, त्याचा व्यावसायिक वापर करणे ,नाट्यीकरण करणे अथवा कोणत्याही कारणास्तव आपणास हे साहित्य वापरावयाचे असल्यास लेखकाची रीतसर परवानगी घेणे गरजेचे आहे.
संचालक - कादवा शिवार
प्रतीक विजयकुमार मिठे
मो.9145099071
Kadva shivar
कादवा शिवार
0 coments