वारी vari (somnath pavar)

उजाडले रान

पंढरीच्या राया

नको चुकावया

  तुझी वारी।  

वारीसाठी येण्या

केली लगबग

कोरडाच माग

  मातीमधी  

डोईवरी सुर्ये

ओकतोय आग

रिकामेच ढग

    नभामाजी    

तुझ्या अंगणात

   वैष्णवांचा मेळा

सावत्याचा मळा

      नको रिता      

तुजपाशी झाले

नित्याचे गार्हाणे

मागतो मागणे

       वारीसाठी.       

दिंड्या पतकांनी

फुलतील वाटा

  राहिलं एकटा

    वारीविणा.  

                                            कवी - सोमनाथ पवार 

                                        पिंपळगाव बसवंत (उसवाड)

                                           बोलभाष क्रं ८३७९८२०४१६

-------------------------------------------------------------------

     ...सावधान...

सदर ब्लॉग वरील साहित्यात फेरफार करणे, कॉपी पेस्ट करून स्वतः च्या नावाने साहित्य पोस्ट करणे हा सायबर क्राईम कायद्याअंतर्गत गुन्हा आहे. ब्लॉगवरील साहित्याचा अनुवाद करणे, त्याचा व्यावसायिक वापर करणे ,नाट्यीकरण करणे अथवा कोणत्याही कारणास्तव आपणास हे साहित्य वापरावयाचे असल्यास लेखकाची रीतसर परवानगी घेणे गरजेचे आहे.

                                              संचालक - कादवा शिवार

                                              प्रतीक विजयकुमार मिठे

                                              मो.9145099071

                                         #Team Kadva shivar