ढगात रडते dhagat radte (rajendra ugale)

चमणाऱ्या किती चांदण्या गळून पडल्या खाली
एक चांदणी माय कशी मग आभाळाला गेली?

तुटला तारा येतो खाली डोळ्यांनाही दिसतो
ज्योत होवुनी जातो जिव तर
देह कसा हा विझतो?

निळ्या नभातुन येता पाणी तुम्हास ती नवलाई
मला वाटते माझ्यासाठी ढगात रडते आई...

मजेत आहे चंद्र चांदणी असे कसे मी म्हणतो?
भूक लागली बाळाला तर जिव आईचा झुरतो...

तिची विराणी ऐकू येइल असे घडावे काही
मनही आता मनात माझ्या कधीच राहत नाही...

पाउस धारा ओला वारा रोज रोज मी भिजतो
मातृत्वाच्या चिंब सरींना कुशीत घेवुन निजतो...

© *राजेंद्र उगले* नाशिक
मोबाईल-९९२२९९४२४३
E mail-rajendraugalemani@gmail.com

-------------------------------------------------------------------
                                ...सावधान...
सदर ब्लॉग वरील साहित्यात फेरफार करणे, कॉपी पेस्ट करून स्वतः च्या नावाने साहित्य पोस्ट करणे हा सायबर क्राईम कायद्याअंतर्गत गुन्हा आहे. ब्लॉगवरील साहित्याचा अनुवाद करणे, त्याचा व्यावसायिक वापर करणे ,नाट्यीकरण करणे अथवा कोणत्याही कारणास्तव आपणास हे साहित्य वापरावयाचे असल्यास लेखकाची रीतसर परवानगी घेणे गरजेचे आहे.

                                              संचालक - कादवा शिवार
                                              प्रतीक विजयकुमार मिठे
                                              मो.9145099071
                                           #Team Kadva shivar