कादवेच्या तीरी kadvechya tiri (somnath pavar)

                                                         🙏..आदरणीय मिठे दादा..🙏

कादवेच्या तिरी

उगवले बीज

साहित्याचा साज

घेऊनिया ।। 

लिखाणात आहे
मातीचा विचार
अंगी सदाचार
शोभतसे  ।।

लेखनाचा असा
फुलविला मळा
वाचकांना लळा
लावुनिया ।।

चौदा पुस्तकांची

केली आहे पुर्ती

सत्कारची मुर्ती

मिठे दादा ।।

चांदणभूलचे 

झाले प्रकाशन

सुखी झाले मन

विवेकाचे ।।

रविच्या तेजाने

मंत्रमुग्ध सारे

साहित्याचे वारे

चोहीकडे ।।

नका मानू तुंम्ही

आमुचे आभार

शब्दाचा हा भार

तोलू कैसा? 

आंम्हीच करतो

तुंम्हासी वंदन

सुगंधी चंदन

आंम्हासाठी ।।

-------------------------

✍कवी सोमनाथ पवार

                                       कवी,सोमनाथ पवार 

                                      पिंपळगाव बसवंत उसवाड

                                      मो.8379820416

------------------------------------------------------------------  ...सावधान...

सदर ब्लॉग वरील साहित्यात फेरफार करणे, कॉपी पेस्ट करून स्वतः च्या नावाने साहित्य पोस्ट करणे हा सायबर क्राईम कायद्याअंतर्गत गुन्हा आहे. ब्लॉगवरील साहित्याचा अनुवाद करणे, त्याचा व्यावसायिक वापर करणे ,नाट्यीकरण करणे अथवा कोणत्याही कारणास्तव आपणास हे साहित्य वापरावयाचे असल्यास लेखकाची रीतसर परवानगी घेणे गरजेचे आहे.

                                              संचालक - कादवा शिवार

                                              प्रतीक विजयकुमार मिठे

                                              मो.9145099071

                                          #Team Kadva shivar