नववर्षाचे स्वागत navvarshache swagat (somnath pavar)

अरे शिशिरा शिशिरा

नको करू अवकळ

असा कसा तू खट्याळ

केली सारी पानगळ

तुझा थांबव धिंगाणा

वसंताची दे पहाट

नग्न केली वृक्ष वेली

किती किती रे चावट

गेला सरून शिशिर

सरे वृक्षाचे ग्रहण

आला नाचत वसंत

नवी पालवी लेऊन

नवी पालवी लेऊन

वृक्ष वेली ही नटली

गार वाऱ्याची झुळूक

साऱ्या अंगाला झोंबली

हिरव्या शिनगाराने

वनराई बहरली

नववर्षाच्या स्वागता

दारी गुढी उभारली

गुढी पाडव्याची गुढी

पुजली कुणब्यानं

सुरू झालं नव साल

पुन्हा लढतो जोमानं

                                                  कवी: सोमनाथ पवार                                           
   (उसवाड)पिंपळगाव बसवंत

    मो :8379820416

--------------------------------------------------------------------------------------------------------------------------
...सावधान...

सदर ब्लॉग वरील साहित्यात फेरफार करणे, कॉपी पेस्ट करून स्वतः च्या नावाने साहित्य पोस्ट करणे हा सायबर क्राईम कायद्याअंतर्गत गुन्हा आहे. ब्लॉगवरील साहित्याचा अनुवाद करणे, त्याचा व्यावसायिक वापर करणे ,नाट्यीकरण करणे अथवा कोणत्याही कारणास्तव आपणास हे साहित्य वापरावयाचे असल्यास लेखकाची रीतसर परवानगी घेणे गरजेचे आहे.

                                             संचालक - कादवा शिवार

                                            प्रतीक विजयकुमार मिठे

                                                  मो.9145099071                                                 #Team Kadva shivar