आईचा आशीर्वाद aaicha aashirvad (vijaykumar mithe)

असे कोणत्या जन्माचे 

पुण्य फळा आले बाई 

माझ्या लेकराची कीर्ती 

सा-या दिगंताला जाई/

सारे भरून आभाळ 

दुमदुमे दिशा दाही 

त्याच्या यशाचे गोडवे 

चंद्र सूर्य तारे गाई/

इडा पिडा गेली सारी 

सुख आलं दु:खा मागं

माझ्या लाडक्या लेकानं 

माझे फेडलेत पांग/

लई भोगलेत सये 

त्याने जगण्याचे हाल 

आता कुठे हार तुरे 

कोणी गळा घाली शाल/

माझ्या केल्या पुण्याईचं 

सारं मिळो त्याला फळ 

रंगदेवते तू दयावे

त्याच्या कर्तृत्वाला बळ/

                                                       -विजयकुमार मिठे.

                                                      मो-9881670204

-------------------------------------------------------------------------------------------------------------------------
 ...सावधान...

सदर ब्लॉग वरील साहित्यात फेरफार करणे, कॉपी पेस्ट करून स्वतः च्या नावाने साहित्य पोस्ट करणे हा सायबर क्राईम कायद्याअंतर्गत गुन्हा आहे. ब्लॉगवरील साहित्याचा अनुवाद करणे, त्याचा व्यावसायिक वापर करणे ,नाट्यीकरण करणे अथवा कोणत्याही कारणास्तव आपणास हे साहित्य वापरावयाचे असल्यास लेखकाची रीतसर परवानगी घेणे गरजेचे आहे.

                                              संचालक - कादवा शिवार

                                              प्रतीक विजयकुमार मिठे

                                              मो.9145099071

                                           #Team Kadva shivar