Read more
काल आईला भेटायला
माहेरी आलेल्या बहिणी
बाहेर ओट्यावर बसून
दुरुनच
आईची चौकशी करून गेल्या
दवाखान्यातून मित्र
फोनवर सांगत होता
गाडी घसरून अपघात झाला
लोक बघत होते
पण उठवायला
कोणीच आले नाही
काकांना जाऊन
दोन महिने झाले
त्याची मुलगी
माहेरी आली नाही
भेटायला अजून...
शेजारच्या शेतात
काम करणाऱ्या मजुराने
दारात येऊन पाणी मागितले
बायको नाही म्हणाली
काल दुकानात गेलो
वस्तू आणायला
दारातच आडवले
दुकानदार म्हणाला
आधी तोंड झाकून या
पितृपक्षात
आम्ही जेवू घातला नाही
पित्तर
त्याचे ताट आम्ही
पाण्यात सोडून दिले
माणसे एकमेकांना तोडू लागलीत
काळाच्या फुटून विखुरलेल्या
घड्याळाच्या
काचेवरून चालताना
प्रा..साईनाथ पाचारणे
राजगुरुनगर पुणे
------------------------------------------------------------------------------------------------------------------------------------------------------
...सावधान...
सदर ब्लॉग वरील साहित्यात फेरफार करणे, कॉपी पेस्ट करून स्वतः च्या नावाने साहित्य पोस्ट करणे हा सायबर क्राईम कायद्याअंतर्गत गुन्हा आहे. ब्लॉगवरील साहित्याचा अनुवाद करणे, त्याचा व्यावसायिक वापर करणे ,नाट्यीकरण करणे अथवा कोणत्याही कारणास्तव आपणास हे साहित्य वापरावयाचे असल्यास लेखकाची रीतसर परवानगी घेणे गरजेचे आहे.
संचालक - कादवा शिवार
प्रतीक विजयकुमार मिठे
मो.9145099071
Kadva shivar
0 coments