मंदिर आणि शाळा mandir aani shala (gotiram hirekar)

           

             सोन्याचा कळस 

             तुझ्या मंदिराला 

             छप्पर शाळेला 

             गळकेच ।।

              

             निर्जीव देवाला 

             आंघोळ दुधाची 

             इथे पुस्तकांची 

             सोय नाही ।।

           

            ज्ञानाचा हा मळा

            भाव भोळाभाळा

            उघडीच शाळा 

            लेकरांची ।।

            

           करी चारीधाम 

           आजोबा नि आजी 

           बाळा नाही राजी 

           सहलीस ।।

           सांदिपनी गुरु

           शिष्योत्तम कृष्ण 

           घडले शिक्षण 

           उत्तमाचे ।।

           जगताचा गुरु

           कृष्ण सांगे ज्ञान 

           गुरूंना सन्मान 

           नित्य द्यावा ।।

           शाळाच मंदिर

           शिक्षक तो देव

           शाळेप्रती भाव

           ठेवा सारे ।।

                                           *गोटीराम हिरेकर*

                                             पिंपळगाव (ब ) 

                                          ता. निफाड 

                                           जि- नाशिक 

                                           मो- 9763074950

--------------------------------------------------------------  ...सावधान...

सदर ब्लॉग वरील साहित्यात फेरफार करणे, कॉपी पेस्ट करून स्वतः च्या नावाने साहित्य पोस्ट करणे हा सायबर क्राईम कायद्याअंतर्गत गुन्हा आहे. ब्लॉगवरील साहित्याचा अनुवाद करणे, त्याचा व्यावसायिक वापर करणे ,नाट्यीकरण करणे अथवा कोणत्याही कारणास्तव आपणास हे साहित्य वापरावयाचे असल्यास लेखकाची रीतसर परवानगी घेणे गरजेचे आहे.

                                              संचालक - कादवा शिवार

                                              प्रतीक विजयकुमार मिठे

                                              मो.9145099071

                                           #Team Kadva shivar