माय may (mukund takate)

मातीच्या कणाकणात

माय तुझा घाम दिसे

ङोलणाऱ्या पिकामधी

माय तुझं रुप असे 

जाई जुई फुलापरी

माय असे तु देखणी

तुझ्या नशिबी खुरपे 

माझ्या हातात लेखणी  

आली पाखरे अंगणी

त्यांची  हळुवार शिळ

फळ फुलं ही डोलती

तुझ्या श्रमाचेच फळ

 

मंद वार्याची झुळुक

पाने वाजवीती टाळ्या 

माय तुझ्या स्वागताला

उभ्या रानफुले कळ्या 

गाळवाटाची पाऊले

किती सुरेख रांगोळी 

कष्टानेच तुझ्या माय 

हिर्व्या रानात दिवाळी 

झुळुझुळु पाट पाणी

माय तुझं गाणं गाते

जन्मा येऊन कुशीत

आज धन्य झालो माते... 

                                     

                                                 मुकुंद ताकाटे.

                                               मोबाईल-9404569100

---------------------------------------------------------
...सावधान... 

सदर ब्लॉग वरील साहित्यात फेरफार करणे, कॉपी पेस्ट करून स्वतः च्या नावाने साहित्य पोस्ट करणे हा सायबर क्राईम कायद्याअंतर्गत गुन्हा आहे. ब्लॉगवरील साहित्याचा अनुवाद करणे, त्याचा व्यावसायिक वापर करणे ,नाट्यीकरण करणे अथवा कोणत्याही कारणास्तव आपणास हे साहित्य वापरावयाचे असल्यास लेखकाची रीतसर परवानगी घेणे गरजेचे आहे.

                                              संपादक-कादवा शिवार

                                            #Team kadvashivar