सौभाग्यवती saubhagyvati (sandip rakshe)

...कवी संदीप राक्षे...

---------------------------------------

..सौभाग्यवती..

पाभरीच्या चाड्यातून 

पडे बियाण्याचे मोती 

चाले मोघडाच्या मागे 

माझी ही सौभाग्यवती  /1

सारं कोळपलं रान

अनवाणीच पायांनी 

किती सोसल्या वेदना 

भेगाळल्या ह्या टाचांनी /2

रुते पायाला ढेकूळ 

येई डोळ्यामध्ये पाणी 

तरी हसे आनंदाने 

मळा फुलता पाहुनी  /3

           माझा फाटका संसार           

 तीच करते नेटका

दुःख संकट पेलते 

तिचा स्वभाव बोलका /4

   

                                                संदीप राक्षे ✍🏻

                                             भोसरी पुणे २६

                                           मो.८६५७४२१४२१
------------------------------------------------------------------  ...सावधान...
सदर ब्लॉग वरील साहित्यात फेरफार करणे, कॉपी पेस्ट करून स्वतः च्या नावाने साहित्य पोस्ट करणे हा सायबर क्राईम कायद्याअंतर्गत गुन्हा आहे. ब्लॉगवरील साहित्याचा अनुवाद करणे, त्याचा व्यावसायिक वापर करणे ,नाट्यीकरण करणे अथवा कोणत्याही कारणास्तव आपणास हे साहित्य वापरावयाचे असल्यास लेखकाची रीतसर परवानगी घेणे गरजेचे आहे.

                                              संचालक - कादवा शिवार
                                              प्रतीक विजयकुमार मिठे
                                             मो.9145099071
                                           #Team Kadva shivar