मातीचा देह maticha deh (vijaykumar mithe)

 

मातीचाच देह माझा

मातीचेच हातपाय

नाळ,पिंड पोसताना

माती झाली माझी माय

माती भिंतीच्या आधारे

किती रांगलो चाललो

ओल्या मातीशी खेळता

बोल बोबडे बोललो

मातीसंग राबताना

झाली आयुष्याची माती

मातीच्याच भरोशानं

किती पोसलीत नाती

अंती पडता झडता

जावी तोंडामधी माती

माझ्या देहावर यावी

उगवून हिर्वी पाती
                                               विजयकुमार मिठे
                                             9881670204
---------------------------------------------------------------------------

सावधान...

सदर ब्लॉग वरील साहित्यात फेरफार करणे, कॉपी पेस्ट करून स्वतः च्या नावाने साहित्य पोस्ट करणे हा सायबर क्राईम कायद्याअंतर्गत गुन्हा आहे. ब्लॉगवरील साहित्याचा अनुवाद करणे, त्याचा व्यावसायिक वापर करणे ,नाट्यीकरण करणे अथवा कोणत्याही कारणास्तव आपणास हे साहित्य वापरावयाचे असल्यास लेखकाची रीतसर परवानगी घेणे गरजेचे आहे.
                                              संपादक - कादवा शिवार